Meha: Vura gjurin në presion, nga gjuajtjet e lira

Alban Meha është njëri nga goditësit më të mirë në Gjermani për gjuajtjet e lira. Mesfushori shqiptar, ka ditur të shënoj gola fantastik nga distanca të mëdha, por ai tregon arsyeje se pse nuk po mundet të stërvitë më shumë se 30 minuta, transmeton Telegrafi.

Meha ka deklaruar se ka vënë gjurin e tij në presion duke ushtruar shumë goditjet e lira.

“Jam stërvitur kohët e fundit jo më shumë se 30 minuta për të mos sforcuar gjurin, ndërsa prej tri ditësh nuk ndiej më dhimbje. Le të urojmë që do të kalojë gjithçka dhe do vijoj rregullisht me skuadrën”

“Gjatë kësaj kohe nuk jam praktikuar shumë edhe me goditjet e dënimit, pasi nuk kam qenë në formën time më të mirë”

“Ndoshta fakti se në të shkuarën jam marrë gjerësisht në stërvitje me goditjet e dënimit, kjo mund të ketë ndikuar te dëmtimi në gju. Mendoj se mund ta kem vënë shumë nën presion gjurin duke stërvitur goditjet e lira”, tha Meha. /Telegrafi/