Migrimi ilegal shtyn liberalizimin

Migrimi ilegal që ka marrë hov të madh në fund të vitit të kaluar e që po vazhdon me intensitet të lartë edhe këtë fillimvit, padyshim që do të jetë një pengesë e madhe në procesin e liberalizimit të vizave për Kosovën, por edhe për integrimin evropian në përgjithësi.

Një gjë e tillë e ka thënë të enjten në Gjakovë përfaqësuesi i BE-së në Kosovë, konkretisht shefi i Zyrës Operacionale të BE-së Christof Stock.

“Tashmë është e qartë se kjo është shndërruar në dukuri, e cila sjell dëme të shumëfishta, jo vetëm për ata që përcaktohen për këtë veprim, të cilët i futen një aventure me epilog të ditur dhe pasoja të rënda, por edhe për tërë shoqërinë kosovare, përkatësisht shtetin e Kosovës, meqenëse ka ndikim të drejtpërdrejtë edhe në procesin e liberalizimit të vizave për kosovarët”, ka thënë Shtock, gjatë një aktiviteti të zyrës së tij në Gjakovë./zeri/