Shqipëria apo Gjermania? Ja kë ëndërron tash Avdijaj

Donis Avdijaj thotë që ëndrra e tij e madhe është që një ditë të luajë për Kombëtaren e Shqipërisë përkrah kapitenit Lorik Cana.

Talenti kosovar në një prononcim për mediet shqiptare, ka deklaruar që përkundër injorimit që po ia bën Gianni De Biasi, ëndërron një ditë që ta veshë fanellën e Kombëtares.

“Para Kampionatit Botëror e kam refuzuar Kombëtaren e GJermanisë për Shqipërinë, ani pse në atë kohë nuk isha i kontaktuar nga Federata e Futbollit të Shqipërisë. Tani për tani nuk dua që të luajë te kategoritë e reja të Kombëtares së Shqipërisë, sepse dua të fokusohem plotësisht te skuadra ime. Ëndrra ime është që një ditë të luajë për Kombëtaren A të Shqipërisë, përkrah kapitenit Lorik Cana”, ka deklaruar Avdijaj, përcjellë Tribuna.

Ai është huazuar nga Schalke 04 te skuadra e Sturm Grazit.