Abrashi e mirëpret trajnerin e ri

Amir Abrashi e ka mirëpritur trajnerin e ri të Grasshoppersit, Pierluigi Tami. Mesfushori kosovar ka punuar në të kaluarën me trajnerin zviceran me prejardhje italiane, ndërsa është shprehur i lumtur që do ta ketë mundësinë të punojë sërish nën urdhrat e këtij trajneri.

“Unë kam një mendim shumë të mirë për trajnerin e ri. Unë e njoh atë që nga Përfaqësuesja e Zvicrës U21 dhe jam shumë i kënaqur që e kemi në grup te Grasshoppers. Mirë se erdhe Tami”, ka shkruar përfaqësuesi shqiptar në llogarinë e tij në rrjetin social “Facebook”.

Grasshoppersi e mbylli pjesën e parë të sezonit në pozitën e gjashtë me 19 pikë të grumbulluara, prej tyre 5 fitore, 4 barazime e 9 humbje.