Komuna e Kamenicës mbështet dy sportistë kamenicas për “Olimpiadën Rio 2016”

Kamenicë – Është nënshkruar marrëveshja e memorandum bashkëpunimit mes kryetarit të Komunës z.Begzad Sinani dhe zotit Besim Hasani, president i Komitetit Olimpik të Kosovës.

Komiteti Olimpik i Kosovës bazuar në kriteret e Solidaritetit Olimpik të KON-it, sipas propozimeve të Federatave Sportive Olimpike të Kosovës, të sporteve individuale, ka përzgjedhur Ekipin Kombëtar Olimpik të Kosovës, në përbërje të së cilës janë edhe dy sportistët e Komunës së Kamenicës, Musa Hajdari, atlet dhe Vijona Kryeziu atlete.

Komiteti Olimpik i Kosovës, nga Fondi i Solidaritetit Olimpik për Bursa RIO 2016, do të akordoj për sportistin : Musa Hajdari dhe sportisten Vijona Kryeziu me nga 333,34 Dollar.

Përveç kësaj KOK do të përkujdeset për sigurimin e dërgimit të sportistëve në kampe stërvitore të nivelit të lartë ose për sjelljen në Kosovë të ekspertëve të nivelit të lartë në funksion të rritjes së perfomancës së sportistëve.

Komuna e Kamenicës, përmes Drejtorisë për Kulturë , Rini dhe Sport, atletëve Musa Hajdari dhe Vijona Kryeziu të ju ndajë shumën prej 137 Euro, në bazë mujore për 20 muaj.

Përveç kësaj, Komuna brenda mundësive të saj, por edhe në partneritet me sektorin privat do të përkujdeset për sigurimin e ambient të përshtatshëm për ushtrime të papenguara dhe efikase për atletet Musa Hajdari dhe Vijona Kryeziu./rajonipress/