Mavraj në mesin e më të mirëve në Bundesligë

Futbollistët shqiptarë vazhdojnë të kenë sukses në gjithë Evropën. Në mesin e 10 lojtarëve me pasimet më të sakta në elitën e futbollit gjerman në Bundesligë, ka zënë vend edhe një futbollist i Kombëtares së Shqipërisë, transmeton Telegrafi.

Faqja zyrtare e kampionatit gjerman ‘Bundesliga.de’, ka publikuar listën e dhjetë futbollistëve të cilët kanë përqindje më të lartë të saktësisë së pasimeve.

Në mesin e 10 më të mirëve ka zënë vend edhe mbrojtësi i Kombëtares, Mërgim Mavraj, i cili është renditur si pasuesi i gjashtë më i mirë, me 88.60% të saktësisë së pasimeve. /Telegrafi/

Ja lista prej dhjetë lojtarëve me pasimet më të sakta:
10. Mario Gotze – 86.74%
9. Luiz Gustavo – 87.56%
8. Juan Bernat – 88.43%
7. Rafinha – 88.58%
6. Mërgim Mavraj – 88.60%
5. Philipp Lahm – 88.65%
4. David Alaba – 89.66%
3. Mehdi Benatia – 89.75%
2. Xabi Alonso – 90.03%
1. Dante – 90.33%