Hadergjonaj fluturon për një vit, vlera e tij tani me miliona

Florent Hadergjonaj është ndër lojtarët më të mirë shqiptar në pozitën ku luan. Djaloshi nga Deçani aktualisht është pjesë e skuadrës zvicerane Young Boys, dhe ka pasur ngritje të jashtëzakonshme gjatë vitit 2014 me klubin verdh e zi, transmeton Telegrafi.

Mbrojtësi i djathtë ka luajtur këtë stinor të gjitha ndeshjet me skuadrën e tij në kampionatin zviceran, por edhe në Ligën e Evropës duke pasur paraqitje të jashtëzakonshme.

E pas paraqitjeve të mira, natyrisht që edhe vlera e tij ka pësuar rritje, dhe atë rritje të pabesueshme.

Një vit më parë, më saktësisht me 18 janar të vitit 2014, vlera e tij ishte vetëm 100.000 mijë euro, ndërsa tani është 15 herë më e madhe, transmeton Telegrafi.

Sipas portalit të specializuar për vlerën futbollistëve, ‘Transfermarkt’, djaloshi nga Deçani tani kushton 1.5 milionë euro.

Ai është pjesë e Zvicrës U21, dhe llogaritet si e ardhmja e futbollit helvetik, por zviceranet duhet ta kenë të qartë se Florenti është shqiptar nga Kosova, dhe herët apo vonë do të jetë pjesë e përfaqësueses sonë. /Telegrafi/