Kapiteni i Kosovës bëhet me klub

Kapiteni i Përfaqësueses së Kosovës është bërë me klub. Ai edhe pse ishte larguar nga Sandnes Ulf, është rikthyer sërish në klubin amë dhe ka vazhduar kontratën edhe për dy vjet.

Lajmi bëhet i ditur nga skuadra norvegjeze, e cila humbi statusin e anëtarit elit.

“Anel Rashkaj ka nënshkruar kontratë për dy vjet me Sandnes Ulf, diçka që na ka bërë të lumtur”, thuhet në njoftimin e klubit të tyre.

I lumtur me nënshkrimin e kontratës është shprehur edhe vetë lojtari, i cili kishte oferta edhe nga Omani. “Ne kemi një skuadër që përbëhet nga lojtarë që kanë përvojë, prandaj mendoj se vazhdimi i kontratës është hap i qëlluar. Kjo përbërje e lojtarëve më shtyri të mendoj se ne mund të luajmë futboll të mirë për tifozët”, deklaroi Rashkaj për uebfaqen zyrtare të klubit të Sandnes Ulf.

Kapiteni kishte oferta edhe nga Omani e Suedia, por i mbeti besnik futbollit norvegjez.