Osmani: Le të testohet anëtarësia për koalicionin LDK-PDK!

Deputetja e LDK-së, Vjosa Osmani, ka kërkuar që të testohet anëtarësia e kësaj partie për koalicionin qeverisë në mes të PDK-së dhe LDK-së. Ajo ka thënë se ky vendim është marrë nga disa individ të cilët janë thirrur në emër të anëtarësisë.

“Le të testohet anëtarësia e LDK-së, për këtë koalicionin me Hashim Thaçin”, ka thënë deputetja Osmani, transmeton gazeta Tribuna.

Ajo ka shprehur bindjen se jo të gjithë deputetët e LDK-së do ta mbështesin Thaçin për president.
“Kundër votimit të qeverisë kanë qenë së paku tetë deputetë të LDK-së, por kundër Thaçit president do të jenë shumë me shumë”, ka thënë Osmani.

Ajo beson se zgjedhjet e ardhshme në LDK do të mbahen mbi parimin një anëtar një votë.

Duke folur rreth kandidaturës së mundshme të saj për ta drejtuar LDK-në, deputetja Osmani nuk e ka mohuar e as pohuar, por ka theksuar se të gjithë kanë të drejtën e kandidimit për postin e kryetarin e LDK-së. /Gazeta Tribuna/

———————————

Deputetja e LDK-së, Vjosa Osmani, ka thënë se kryeministri Isa Mustafa është duke u treguar i butë në raport me ministrin Aleksandër Jabllanoviq.

Ajo mendon se pas deklaratave të Jabllanoviqit, kryeministri Mustafa është dashur menjëherë ta shkarkoi atë, transmeton Tribuna.

“Kryeministri dhe zyrtarët e PDK-së në qeveri, janë treguar shumë të butë ndaj Jabllanoviqit ai duhet të shkarkohet”, ka thënë ajo. Sipas saj, Mustafa e ka pas rastin që të tregoj fuqinë e tij si kryeministër, por nuk e ka bërë atë.

“Jabllanovqi dhe njerëz të tillë të cilët nuk e respektojnë kushtetutën nuk kanë vend në qeveri”, ka thënë deputetja Osmani. /Gazeta Tribuna/