Vazhdojnë protestat kundër KEDS- it

Protesta kundër tarifave të larta të energjisë elektrike do të vazhdojnë edhe sot para ndërtesës së KEDS-it.

Kjo është dita e pestë e protestës ku po kërkohet ulja e çmimit të energjisë elektrike, kthimi i tarifës ditore dhe transparenca publike mbi pronarin e kësaj kompanie.
Njëri nga organizatorët e kësaj proteste nga Klubi Politik i Studentëve, Fitim Salhiu, tha dje se KEDS është përgjegjëse për ngritjen e lartë të çmimit, pavarësisht se ata fajin ja lënë Zyrës së Rregullatorit të Energjisë.

Qytetarët që i janë bashkangjitur kësaj proteste thonë se çmimi i energjisë elektrike është tejet i lartë dhe i papërballueshëm.

Protesta fillojë në orën 12:00 para objektit të KEDS-it, ku organizatorët e saj i bëjnë thirrje qytetarëve të dalin në masë më të madhe./tribuna/