Ditë të vështira për Shpend Ahmetin

Asambleistët komunal të Prishtinës nga Lidhja Demokratike e Kosovës dhe Partia Demokratike e Kosovës kanë bërë “koalicion” të heshtur. Këta asambleistë që përbëjnë tashmë shumicën në Kuvendin Komunal të Prishtinës (mbi 25) kanë vendosur që të kundërshtojnë dhe mos ta kalojnë asnjë vendim të kryetarit Shpend Ahmeti në Kuvend.

Burime të Indeksonline brenda dy grupeve parlamentare, thonë se bashkimi i tyre është bërë për ta “ndalur degradimin e mëtutjeshëm të qytetit nga qeverisja Ahmeti”.
“Dhe jo vetëm për këtë, por edhe për problematikën që po krijon Shpend Ahmeti duke mos i marrë për bazë propozimet tona që janë në të mirë të qytetarëve dhe vet kryeqytetit”, thonë burime nga të dy kampet, LDK dhe PDK.

E në një situatë të tillë, kryetari Ahmeti do ta ketë të vështirë implementimin e programit të tij dhe premtimet e dhëna. /Indeksonline/