Tahiri: Serbia po krijon struktura paralele

Serbia e ka të qartë: nuk ka vend brenda strukturave të Bashkimit Evropian, pa njohjen e Kosovës, ka thanë ministrja e Dialogut, Edita Tahiri. Si problem kryesorin në dialogun mes Kosovës dhe Serbisë, Tahiri e sheh moszbatimin e marrëveshjeve të arritura deri më tash.

Ajo e pranon faktin se Serbia po vazhdon të krijojë struktura paralele në Kosovë.

Në takimin e 9 shkurtit mes Isa Mustafës e Aleksandar Vuçiqit, Tahiri thotë se do të bisedojë për çështjet e drejtësisë e zhbërjen e strukturave paralele. Po ashtu, ajo premton se ka me u hap edhe tema e të zhdukurve të luftës.

Heqja apo jo e barrikadës mbi lumin Ibër thotë se varet prej disponimit të Bashkimit Evropian. Ndërsa, mundësinë me pasë kompetenca ekzekutive Asociacioni i Komunave Serbe, ajo e quan veç iluzion. /Rrokum/