Gërxhaliu: Bizneset më shumë duhet të kenë mundësi t’i rritin vendet e punës…

Kryetari i Odës Ekonomike të Kosovës Safet Gërxhaliu konsideron se pas nënshkrimit të marrëveshjes për kontratën kolektive ka munguar një dialog konstruktiv në mes palëve të interesit, gjë që ka shkaktuar probleme.

Ai i përmend edhe dy arsye tjera që kanë ndikuar në prolongimin kësaj marrëveshje.

“Ka munguar një dialog konstruktiv mes punëdhënësit dhe punëmarrësit është problemi i parë, e dyta është një korrigjim i ligjit të punës, dhe e treta është se viti 2014 ka qenë vit i dështuar ekonomike sepse ka qenë i ngarkuar me politik dhe pasojat janë reflektuar në ekonomi”, ka thënë për Gazetën Tribuna Gërxhaliu.

Garxhaliu ka thënë se bizneset më shumë duhet të kenë mundësi t’i rritin vendet e punës dhe mos ta kenë breng kontratën kolektive.

“Në këtë krizë ku bizneset janë duke u mbyllur dhe investimet e huaja janë duke rënë është tepër të pritet që komuniteti i biznesit të jetë në gjendje t’i përmbush këto kërkesa. Sidoqoftë ne kemi kërkuar prolongim me kusht që të gjendet një zgjidhje me dialog, por gjithmonë duke u bazuar në ligj”. /GazetaTribuna/