Me një Akademi përkujtohet dëshmori Liridon Dërmaku

Kamenicë – Liridon Dërmaku ishte dhe mbetet një nga themelet që na jep motiv për të vazhduar punën në ndërtimin e shtetit tonë. Ndihemi krenar që një emër si ky, sot përkujtohet me veprën më të madhe siç është rënia për atdhe. Këto ishin vetëm disa nga fjalët e Kryetarit të Komunës së Kamenicës, zoti Begzad Sinani, në rastin e përkujtimit të dëshmorit Liridon Dërmaku, 10 vjet pas rënies së tij.

Në këtë akademi përkujtimore, morën pjesë edhe përfaqësues të Organizatave të Luftës së UÇK-së dhe UÇPMB-së, të cilët thanë se përulen para veprës së dëshmorit Liridon Dërmaku.

Shipashnica e Epërme e Kamenicës, sot nuk ishte vetëm vendlindja e Liridonit, por ishte edhe vendi ku lind dhe përsëritet kujtimi i paharruar për Liridonin./rajonipress/