AAK nderon post mortum Saqip Ramizin

Gjilan – Në manifestimin e dhënës së mirënjohjes për Saqip Ramizin, me të cilën post mortum e ka nderuar presidenti shqiptar Bujar Nishani, merrnin pjesë dhjetëra qytetarë aktivistë dhe familjarë.

I pranishëm ishte edhe Kryetari i AAK-së, Ramush Haradinaj, i cili tha se sot po marrim pjesë në kujtim dhe respekt të një emri të madh, siç është Saqip Ramizi, e që është vlera e të gjithë neve!

Ndërsa kryetari i degës së AAK-së e njeherit edhe organizator i këtij manifestimi tha se figura e Saqip Ramizit bashkë me bashkëshorten zonj. Gjylije Ramizi do të mbeten një nder figurat më të respektuara të komunë së Gjilanit për angazhimin e tyre për ngritjen e jetës kulturore dhe edukativo arsimore në vendin tonë, veçmas në shoqatën për zhdukjen e analfabetizmit “Motrat Qiriazi”dhe në shoqatën për kthimin e Shqiptarëve të shpërngulur nga Trojet e veta.

Në këtë manifestim morën pjesë edhe nënkryetari i partisë Ahmet Isufi, Muharrem Nitaj kryetarja e AGK zonj.Magbule Shkodra dhe deputeti i parlamentit të Kosovës Ismajl Kurteshi./rajonipress/