Hoxhaj i kundërpërgjigjet Vuçiqit: Synoni destabilizimin e Ballkanit

Ministri i Jashtëm i Kosovës, Enver Hoxhaj i ka reaguar kryeministrit serb, Aleksandër Vuçiq për deklaratat e fundit në raport me Kosovën duke i quajtur destabilizuese dhe anti-paqësore për rrugën që do të duhej ta ndiqte rajoni, transmeton “Zeri.info”.

Me këtë reagim, Hoxhaj i është bashkuar deklaratave në distancë të disa ditëve të fundit nga Prishtina dhe Beogradi, veçmas kryeministrit Isa Mustafa dhe atij serb, Aleksandër Vuçiq.

“Përpjekja e Serbisë për të manipuluar serbët e Kosovës që ti bojkotojnë institucionet e Kosovës tregon fytyrën e vërtetë dhe karakterin destabilizues dhe anti-paqësor që ka Serbia” ka reaguar Hoxhaj në Twitter, përcjell “Zeri.info”.

Deri tek ky reagim i shefit të diplomacisë kosovare ka ardhur pas takimit të para dy ditëve në Beograd të përfaqësuesve të Listës Serbe me kryeministrin e Serbisë, dhe njoftimin e tyre të sotëm se do ti bojkotojnë institucionet e Kosovës.