PTK- ja në shitje pasi t’i rritet vlera
RajoniPress
08:20, 23 Dhjetor, 2014
Posta dhe Telekomi i Kosovës pritet të dalë sërish në shitje. Këtë e ka paralajmëruar Isa Mustafa, në fjalimin e tij të parë si kryeministër i Kosovës para deputetëve të Kuvendit të Kosovës.
Edhe pse ai ka premtuar proces më të kujdesshëm, zotimi i tij vjen pas përpjekjeve të pasuksesshme të partnerit të tij Hashim Thaçi për ta privatizuar këtë ndërmarrje në fund të vitit 2013.
“Do të sigurohet një menaxhim më i mirë i PTK-Valës për të rritur vlerën e saj të tregut përpara se të privatizohet”, ka thënë Mustafa. Ai nuk ka dhënë më shumë shpjegime se kur do të nisë një proces i ri i privatizimit të PTK-së.
