Përmes zonës së quajtur “Bye pass” vazhdon emigrimi

Gjatë tri javëve të fundit rreth 800 qytetarë nga të gjitha komunat e Kosovës kanë tentuar që të emigrojnë ilegalisht në vendet perëndimore nëpërmjet vendkalimit kufitar Dheu i bardhë, në Kamenicë, por të cilët janë kthyer mbrapsht nga Policia Kufitare e Kosovës.

Kjo pasi kishin deklaruar se ishin duke synuar që të emigronin në vendet perëndimore, siç janë Austria, Gjermania dhe Zvicra.

Por ndalesat e tilla nga policia nuk janë duke kryer punë, pasi qytetarët, të cilët po ikin kryesisht për shkak të gjendjes së rëndë ekonomike, janë duke shfrytëzuar zonën e “By passit” në Karaçevë, ku Policia e Kosovës nuk ka të drejtë të hyjë në atë zonë për shkak të marrëveshjes, që kanë autoritet shtetërore të Serbisë me KFOR-in, shkruan “Koha Ditore”.

Ekrem Haxhiu, komandant i Policisë Kufitare të Dheu i bardhë, ka deklaruar se ata kishin ndaluar dhe kthyer 800 persona, të cilët i kishin mësyrë vendet e Evropës. Sipas tij, një pjesë tjetër janë duke shfrytëzuar edhe rrugën transit. /Telegrafi/