Institucionet e pavarura i vuajnë pasojat e ngërçit

Një ditë pasi Kadri Veseli është zgjedhur kryeparlamentar, në zyrë i ka mbërritur një kërkesë që Kuvendi të kryejë me urgjencë një nga detyrat e tij – zgjedhjen e një gjyqtari të Gjykatës Kushtetuese. Zgjedhjen do të duhej ta bënte prej vitesh.

“Siç dihet tashmë, Kuvendi i Kosovës për më shumë se dy vjet e gjysmë ka dështuar disa herë të zgjedhë gjyqtarin e nëntë”, thuhet në shkresën e siguruar nga gazeta, e që mban firmën e kryetarit të Kushtetueses, Enver Hasani, shkruan “Koha Ditore”

“Luteni, i nderuar z. kryetar i Kuvendit, që menjëherë të filloni procedurat kushtetuese dhe ligjore për zgjedhjen e gjyqtarit të nëntë të Gjykatës Kushtetuese”.

Shkresës Gjykata ia ka bashkangjitur korrespodencën me kryetarin paraprak të Kuvendit, Jakup Krasniqi, përkitazi me çështjen e njëjtë. Janë disa shkresa që i ishin adresuar. /Telegrafi/