Leta me plot risi gjatë 2015-ës

Këngëtarja e popullarizuar e muzikës popullore Filloreta Ismajli, e njohur me emrin artistik Leta nuk di të ndalet.

Ajo për adhuruesit e saj do të sjell shumë risi edhe gjatë vitit 2015. E lidhur shumë me muzikën dhe adhuruesit e saj, Leta për asnjë moment nuk pushon së krijuari këngë të reja, prandaj për vitin që do të hyjmë së shpejti, ajo mes tjerash do të përgatit edhe këngë të reja.

Në fillim të vitit 2015, apo më saktësisht në fund të janarit, ajo do të lansoj një këngë ritmike së bashku me videoklip, por nuk ka dashur të jep më shumë detaje rreth këtij projekti, pasi dëshiron të jetë surprizë për adhuruesit e saj.

“Në fund të janarit do të nxjerr në treg një këngë të re e cila do të realizohet së bashku me videoklip. Kënga do të jetë ritmike, por nuk dua të zbuloj më shumë, pasi dua të jetë një befasi për adhuruesit e mi besnik”, ka deklaruar për gazetën “Zëri”, Leta.

Gjithashtu, ajo para fillimit të sezonit të verës, do të sjell edhe një këngë tjetër me videoklip dhe kjo këngë do të jetë edhe si paralajmërim i albumit të saj të ri, i cili për adhuruesit e saj do të jetë i gatshëm për sezonin e verës.

“Por kjo nuk do të jetë kënga e vetme, pasi para fillimit të sezonit të verës, do të jetë gati edhe një këngë tjetër me videoklip, që do t’i paraprijë albumit tim të ri. Shpresoj se do t’u pëlqej adhuruesve të mi”, ka deklaruar në fund Leta.