Haziri: Ata që votuan kundër Isa Mustafës do të pendohen

Anëtari i Kryesisë së Lidhjes Demokratike të Kosovës Lutfi Haziri thotë se Këshilli i Përgjithshëm i LDK’së ishte në dijeni për koalicionin me PDK’në. Tha se ata që nuk e votuan Isa Musafën do të pendohen.

Haziri thotë se ishin pajtuar që Ramush Haradinaj të ishte Kryeministër por se kjo kishte ndryshuar në momentin kur Gjykata Kushtetuese nuk i dha Bllokut mundësinë që LDK të merrte postin e Kryeparlamentarit.

Tha se vendimi i kësaj gjykate ishte i ‘pamatur’ por se kjo kohë ka kaluar dhe kjo gjë më nuk është e rëndësishme.

“Nuk ka pas opsion tjetër Kosova nuk ka pasur opsion tjetër”, tha Haziri në Interaktiv”, i pyetur se pse ndryshuan fjalët : kurrë me PDK’në.

Haziri theksoi se beson shumë në Qeverinë e udhëhequr nga Isa Mustafa dhe sipas tij Kosova do të jetë në rrugën e drejtë.

Sipas tij do të pendohen që votuan kundër, abstenuan a munguan kur Isa Mustafa u zgjodh kryeministër.

“Do të pendoheni. Ata që ngritën dorë kundër Isa Mustafës do të pendohen. Do të pendohen që e lëshuan mundësinë të votojnë për kryeministrin e radhëve të LDK’së”, ka thënë Haziri