Glauk Konjufca ia jep një “rafal” Isa Mustafës

“Çdo gjë që e kemi thënë për qeverinë në largim ka dalë të jetë e vërtetë. Kjo ka qenë një qeveri e korrupsionit, e kapjes së drejtësisë, qeveri që vjedh nga pasaportat e qytetarët, nepotizmit, që ka arritur ta korruptojë madje edhe misionin e BE’së në Kosovë, EULEX”, ka thënë Glauk Konjufca, në hapjen e debatit në seancën për votimin e qeverisë.

Ai ka theksuar se Isa Mustafa nuk është një njeri që mund t’i besohet duke qenë se ai kishte negociuar shpresën e qytetarëve për postin e tij të kryeministrit.

Po ashtu, Konjufca e ka quajtur Mustafën si njeri pa moral politik, i cili ka tradhtuar vlerat, shpresat e qytetarëve, fjalët e dhëna, vetëm për ta marrë këtë post.

Ai ka përfunduar duke interpretuar një thënie të cilën më herët e kishte përdorur Ismet Beqiri i LDK’së.

“Koalicioni PDK-LDK është katastrofë për Kosovën”, ka thënë ai, duke e interpretuar një thënie të cilën më herët e kishte thënë Ismet Beqiri.