Qeveria e re të bisedoj me Serbinë për bashkëngjitjen e Kosovës Lindore me Kosovën

Gjilan – Vazhdimi i bisedimeve Kosovë – Serbi si duket është edhe kusht bazik i ndërkombëtarëve për qeveritë e Beogradit dhe Prishtinës dhe si kusht për të dy shtetet për të vazhduar më tutje rrugën e tyre drejtë integrimeve “Euro Atlantike“.

Sipas Kushtrim Kadriut gjatë këtyre negociatave që do të ri fillojnë kanë mbetur shumë çështje për tu diskutuar e të pa diskutuara mes organeve shtetërore të Kosovës dhe Serbisë. “Unë mendoj se është bërë dhe do të bëhet një dialog i kotë e pa rezultate të mira nëse nuk diskutohet çështje e cila zgjidhë një herë e mirë kontestet mes Serbisë dhe Kosovës, e ai kontest është Kosova Lindore”.

Ky regjion i banuar me shqiptar, e i pastër etnikisht me shqiptarë dhe i qeverisur nga shteti serb, është një arsye fondamentale për tu bashkuar me trungun e saj republikën e Kosovës.

Si rezultat i kësaj gjendjeje gjithnjë do të këtë telashe pasi që këta qytetarë janë të pa kënaqur të jetojnë në këtë mënyrë dhe si rezultat i kësejë pakënaqësie kjo zonë gjithnjë do të jetë një “Vatër” e ndezur krize që pritet të shpërthej nga momenti në moment e do të prishë stabilitetin regjional të gadishullit Ballkanik.

Andaj sipas Kadriut zgjidhja më e mirë do të ishte bashkëngjitja e Kosovës me komunat e Preshevës, Medvegjes e Buajnocit, ku si rezultat i këtij veprimi do të krijohej një zgjidhje afatgjate duke përfunduar konfliktin një shekullor Shqiptaro – Serb.

Ata të cilët janë skeptik dhe kundërshtojnë këtë ide vazhdimisht thonë se do të bëhet një precedent ndërkombëtar, e disa arsyetime për të mos ndodhur ky proces shumë i nevojshëm për regjionin, por ne nuk do të ishim të parët që bëjmë shkëmbime territoresh sepse kjo praktikë ndërkombëtare është e njohur edhe më herët dhe tek e fundit regjioni i Ballkanit është rast specifik shprehet Kushtrim Kadriu./rajonipress/