Hapet zyrja informative dhe këshilluese për Bujqësi, Pylltari dhe zhvillim rural

Kamenicë – Në prani të Kryetarit Komunës, Begzad Sinani, përfaqësuesit të Ministrisë Bujqësisë dhe përfaqësuesit të BE-së,drejtorisë së Bujqësisë dhe të shumë fermerëve të komunës sot është bërë hapja e zyrës informative dhe këshilluese për fermerët e Kamenicës.

Kryetari Sinani theksoi se kjo zyrë do të jetë e hapur dhe këshilltari do të jap informata, këshilla për fermerët me qëllim të lehtësimit për aplikim në donacionet e Ministrisë dhe të Bashkimit Europian ku komuna jonë ka potenciale të mira për zhvillimin e blegtorisë,bletarisë dhe turizmit rural ne si komunë do të bëjmë çdo gjë është e mundur me qëllim të krijimit të kushteve sa më të mira për ju.

Financues të këtij projekti do të jetë zyra e Bashkimit Europian dhe Ministria e Bujqësisë, Pylltarisë dhe zhvillimit rural./rajonipress/