Blerim Reka: U bë tepër pa institucione

Ish ambasadori i Maqedonisë në Bruksel, Blerim Reka, ka vlerësuar se vonesa gjashtëmujore për formimin e institucioneve do të ketë konsekuenca të qarta për Kosovën, sidomos në procesin e integrimeve evropiane.

Reka ka thënë se nënshkrimi i marrëveshjes për koalicion në mes të PDK-së dhe LDK-së nuk duhet të konsiderohet si një e arritur e madhe pasi, sipas tij, është dashur gati gjysmë viti për të ardhur deri te një marrëveshje e tillë.

Sipas tij, për shkak të procesit të stabilizim-asociimit, liberalizimit të vizave, dialogut me Serbinë, Gjykatës Speciale dhe miratimit të shumë ligjeve, Kosova nuk e ka pasur luksin që kaq gjatë të jetë pa institucione. /epoka e re/