Komisioni Evropian kërkon “llogari” për emërimin e drejtorit të burgjeve

Qeveria e Kosovës ka zgjedhur për drejtor të Shërbimit Korrektues të Kosovës Emrush Thaçin, ani pse Komisioni vlerësues nuk e kishte renditur si më të mirin prej kandidatëve.

Me dhjetëra pikë diferencë nga kandidati i parë, Qeveria e Kosovës në mbledhjen e pesë nëntorit ka vendosur që tani e tutje Emrush Thaçi të jetë drejtor.

Por një gjë e tillë nuk i ka pëlqyer misionit EULEX, i cili, sipas informatave që ka gazeta, kishte miratuar kandidatin Sokol Zogaj, sepse ai kishte pasur më së shumti pikë.

“Pakënaqësia” e EULEX-it e ka shtyrë Komisionin Evropian që të kërkojë përgjegjësi nga Qeveria e Kosovës se “në cilën bazë ligjore” janë bazuar kur e kanë zgjedhur Emrush Thaçin drejtor. Por Qeveria e Kosovës thotë se “janë bazuar në ligj”, ndonëse nuk kanë dhënë informata se cili ligj thotë që ka përparësi kandidati i dytë në listë përpara kandidatit të parë… (“Koha Ditore”)