Kosova vend i vështirë për biznes

Problemi më i madh për bizneset në Kosovë është kostoja e financimit. Normat e larta të interesit në banka dhe mungesa e alternativave financiare në një hulumtim të institutit “Riinvest” bashkë me Zyrën e Bashkimit Evropian në Kosovë me temën “Klima e Bizneseve në Kosovë listohen si barriera kryesore të biznesit në vend.

Kjo edhe duket të jetë arsyeja përse në Kosovë shumë afaristë ua vënë drynin bizneseve të tyre në një kohë të shkurtë pas hapjes.
Lumir Abdixhiku , drejtor i institutit “Riinvest”, pohoi se përgjatë viteve të shkuara, ekonomia e vendit është ballafaquar në vazhdimësi me barriera institucionale, financiare, informale, fiskale ligjore, e të fuqisë punëtore.

Sipas tij, sektori privat, si gjenerator i zhvillimit ekonomik, është në gjendje kritike.

“Kosova është duke hequr shumë për të krijuar një klimë të favorshme të biznesit. Politikat tona ekonomike, kanë mbajtur në dorë të dytë biznesit dhe sektorin privat. I gjithë relacioni mes shtetit dhe biznesit, ka përfunduar me mbledhjen e taksave.

Rrjedhimisht anomali me mos zbatimin e ligjit, konkurrencën e pabarabartë, informalitetin, evazioni fiskal, korrupsioni, burokracia, koston e lartë të financimit dhe vet fuqinë punëtore kanë marrë formë vazhdimisht”, është shprehur Abdixhiku…(Tribuna)