Restorantet e shqiptarit shpallen më të mirat në New York
RajoniPress
22:43, 1 Nëntor, 2014
Shqiptarët në botë nuk janë më vetëm emigrantë të thjeshtë që punojnë për ta mbajtur vetën. Tashmë janë edhe sipërmarrës edhe në fushën e gastronomisë. Një sukses vjen nga përtej Atlantikut. Restorantet e Alban Benjamin Prelvukajt janë shpallur më të mirat e New York’ut.
Dy restorante të një shqiptari janë zgjedhur si më të mirat në New York. Pronari Alban Benjamin Prelvukaj nuk e fsheh kënaqësinë për këtë fakt.
“Ka qenë një punë shumë e madhe për tetë vite”, tha ai.
“The New York Times” shkruan se Benjamin steakhouse i vendosur në pjesën lindore të rrugës 41 ka fituar 27 prej 30 pikëve të mundshme për kualitetin e ushqimit.
Për ta fituar këtë pozitë konkurrenca ishte e fortë me mbi 14 mijë restorante.
Restorantet vizitohen nga persona të njohur siç është dhe Kim Kardashian./RTK/
