Zjarrfikësi Shaban Shabani i dekoruar nga presidentja pritet edhe nga kryetari Haliti

Viti – Është krenari dhe kënaqësi kur puna dhe angazhimi respektohet, nderohet dhe çmohet. Në këtë drejtim edhe unë ndjehem shumë i nderuar që një punëtor i komunës sime nderohet me medaljen presidenciale të meritave”, u shpreh kryetari i komunës së Vitisë Sokol Haliti, në takimin me punëtorin e Njësisë Zjarrfikëse në Viti Shaban Shabani, i cili ditë më parë u nderua me medaljen presidenciale të meritave nga presidentja Jahjaga.

Me këtë rast, kryetari Haliti ka vlerësuar kontributin e Shabanit në aspektin e sigurisë dhe ka theksuar se kjo dëshmon se përkushtimi dhe puna pop respektohet dhe nderohet.

Shaban Shabani është zjarrfikës në Njësinë e Zjarrfikësve në Viti dhe është dekoruar me medaljen presidenciale të meritave, e cila u jepet personave që me punën e tyre kanë kontribuar në fusha të veçanta si arsim, shkencë, kulturë, rini, sport, siguri, shërbim civil. Dhënia e dekoratave për familjarët dhe përfaqësuesit e organizatave u bë një ceremoni solemne, të organizuar me rastin e përvjetorit të Pavarësisë së Kosovës./rajonipress/