Shkollat e Gjilanit, programe të pasura për nderë të Pavarësisë

Gjilan – Për nderë të 8-vjetorit të shpalljes së Pavarësisë së Kosovës, të gjitha shkollat fillore e të mesme të komunës së Gjilanit kanë mbajtur programe të pasura kulturore e artistike.

Në disa shkolla ka qenë prezent edhe kreu i Gjilanit, Lutfi Haziri, i cili ua ka uruar të gjithë nxënësve dhe stafit e shkollave festën e Pavarësisë.

Gjatë qëndrimit në programin e shkollës fillore “Selami Hallaqi”, kryetari Haziri tha se 8-vjet pas shpalljes së Pavarësisë, të gjithë nxënësit e Gjilanit kanë kushte më të mira dhe më cilësore për mësim nxënie, duke shtuar se për këtë ditë kanë sakrifikuar breza të tërë.

Ndërkaq, drejtori i DKA-së, Nazmi Musa, tha se shpallja e pavarësisë së Kosovës, ishte kurorëzimi i një rrugëtimi të dhimbshëm lotësh e gjaku për popullsinë shqiptare në Kosovë.

Ndërkohë, të martën, kryetari Haziri me bashkëpunëtorë ka bërë zbulimin e pikturës së profesorit Xhavit Ahmeti, në gjimnazin që e mban emrin e këtij kolosi./rajonipress/