Grabitësit e organizuar dënohen nga Gjykata

Gjilan – Gjykata Themelore në Gjilan ka dënuar për veprën penale grabitje në tentativë Kushtrim Gavazin me 4 vite e 10 muaj burg, Bekim Salihin me tri vite kurse Avni Rashiti është dënuar me 1 vit për armëmbajtje pa aleje kurse është liruar nga vepra e grabitjes thotë avokati Shemsedin Pira.

Kryetarja e trupit gjykues Emine Salihu duke shpallur aktgjykimin tha se Kushtrim Gavazi, Bekim Salihi dhe Avni Rashiti më 19.12.2014 s`kaj rrugës magjistrale Kllokot – Viti, në pompë e karburanteve “Model Petroll” nga fshati Mogillë, kanë tentuar që të hyjnë dhe të grabisin në pompën e karburanteve, ashtu që të organizuar si grup i udhëhequr nga i pandehuri Kushtrim Gavazi, i ndajnë rolet dhe detyrat për veprim secili veç e veç, dhe në bashkëveprim me të pandehurin Lirim emiri nga Kumanova, i cili gjendet në arrati, e me qëllim që vetit ti sjellin dobi të kundërligjshme pasurore, fillimisht i pandehuri Avni Rashiti ka vepruar duke vëzhguar se kush gjendet në lokal dhe sa mund të ketë të holla në arkë nga pazari ditor ndërkaq të pandehurit Kushtrim Gavazi, bekim Salihi e Lirim Demiri, të maskuar me maska të zeza në kokë dhe veçmas i pandehuri Kushtrim i pajisur me një pushkë automatik AK – 47 shkrep në drejtim të lokalit ku i shkakton dëmtime Valmir Ademit punëtor.

Të pandehurit edhe në prokurori e kanë mohuar veprën inkriminuese tërë kohën. Avokati mbrojtës i Avni Rashitit, Shemsedin Pira tha se në rastin e klientit të tij nuk është vërtetuar asnjëherë vepra e ngarkuar e grabitjes për çka ai u dënua vetëm për armëmbajtje pa leje./rajonipress/