Kamenicasit nuk tregojnë interesim për Draft rregulloren komunale

Kamenicë – Në shtëpinë e Kulturës, “Isa Kastrati” në Kamenicë, u mbajt debati publik lidhur me draft rregulloren komunale për: Ngarkesa, Tarife, Taksa dhe Gjobat Komunale. Mirëpo, pakë qytetarë kishin treguar interesim për të qenë të pranishëm në këtë debat. Të pranishëm ishin, drejtoresha e Drejtorisë për Buxhet dhe Financa Shejnaze Masurica, si dhe anëtarët e komisionit.

Në fjalën e tij kryesuesi i komisionit për hartimin e rregullores, z.Fisnik Kastrati tha se rregullorja ekzistuese e vitit 2012, e cila ishte plotësuar dhe e ndryshuar disa herë nga ana e Kuvendi të Komunës së Kamenicës, dhe si e tillë kishte shtruar nevojën ë zëvendësohet me një rregullore të re.

Prandaj, kryetari i komunës z.Begzad Sinani më 7 dhjetor 2015, kishte marr vendimin për formimin e komisionit për hartimin e një rregullore të re.

Draft Rregullorja e re për momentin i ka 11 kapituj, 47 nene dhe 76 tabela. Krahasuar me rregulloren e vjetër janë bërë ndryshime të cilat janë në favor të qytetarit.

Shumica e të pranishmëve ishin kryetarë të Këshillave Lokale. Me diskutime u paraqiten: Asllan Dërmaku, Haqif Agaj, Alban Maliqi, Adem Hashani etj.

Ndërkaq, Fisnik Kastrati, tha se rekomandimet e debatit të sotëm do të inkorporohen në draft rregullore, dhe do të procedohet për më tutje./rajonipress/