Haziri: Përfundimisht po i zgjidhim problemet me lloç e vada

Gjilan – Në debatin e qytetarëve të Zhegrës, Nasalës, Llashticës, Lladovës dhe Grykës së Karadakut u dakorduam që në vazhdim me fillim të vitit të ardhshëm të punohet në shumicën e projekteve të nevojshme për qytetarët. Këtu përfshihen kanalizimi, palestra, shumë rrugë e ura si dhe rregullimi i problemeve tjera me të cilat ballafaqohemi ka thënë Lutfi Haziri.

“Sonte mbajtëm debat publik në Zhegër, që është i 28-ti për këtë vit dhe jam shumë i nderuar me pjesëmarrjen kaq masive. Pati lëvdata, sikurse edhe kërkesa për investime në Zhegër, por edhe në fshatrat tjera të Grykës së Karadakut, për ndërtim të rrugëve të reja, kanalizimeve, ujësjellësit, e ndërtim të disa urave. Shumë projekte i kemi realizuar gjatë këtij mandati. Mbeten edhe shumë të tjera për t’i realizuar gjatë vitit të ardhshëm dhe përfundimisht po i zgjidhim problemet me lloç e vada. Vazhdojmë me punë t’hajrit” ka shkruar Haziri./rajonipress/