Armend Kastrati: Dritën e kam në zemër

Gjilan – Ish futbollisti i Dritës njeherit edhe kapiteni i sajë në periudha të ndryshme Armend Kastrati rikthehet në klubin e tij të zemrës në Dritë pas një gjysmë stinori.

Mesfushori i Dritës Kastrati për një kohë kishte djersit fanellën e Bylysit në Shqipëri dhe tek skuadra e Hajvalisë.

Armend Kastrati i cili njihet si futbollist i pa kompromis në fushë për aventurën në Hajvali thekson.:”Më vjen shumë keq për skuadrën e Hajvalisë e cila gjendet para bankrotit të shuhet një klub siç është Hajvalia është mëkat për njerëzit që kanë kontribuar për këtë skuadër e po ashtu edhe për futbollistët e qytetin e Kizhnicës, por uroj që të mobilizohen dhe të rikthehen në rrugë të mbarë”.

Kastrati për rikthimin e tij në Dritë është mjaft i emocionuar.”Po rikthehem në klubin e zemrës e di se skuadra e Dritës është në një pozitë shumë të palakmueshme në tabelën e klasifikimit, por shpresoj se së bashku do ta tejkalojmë edhe këtë sfidë të papritur”.

Mesfushori dhe ish kapiteni i Dritës Kastrati ka bërë me dije se do ta jap atomin e fundit për sukseset e Dritës.”Më besoni edhe pse kam zhvilluar karrierën futbollistike jashtë Dritës zemra ime gjithmonë kah rrahur për ngjyrat “bardh e kaltër,” por në këto momente do të jap më të mirën nga vetja për sukseset e klubit, për një kohë kam qenë i lënduar, por gjerë në fillim të pranverës do të jem prapë që me mish e shpirt do të kontribuoj në lojën e Dritës” tha Kastrati./rajonipress/