Kryetari i Supremes akuzon gjyqtarët e EULEX-it për vendime të paligjshme

Kryetari i Gjykatës Supreme të Kosovës, Fejzullah Hasani, i ka akuzuar të mërkurën gjyqtarët e EULEX-it për vendime të paligjshme, shkruan sot Koha Ditore.

Të tillë e ka cilësuar edhe një aktvendim të një kolegji me shumicë gjyqtarësh të EULEX-it që ka vendosur ta dërgojë në gjykim aktakuzën kundër Sami Lushtakut dhe të tjerëve për një tender në KEK, ani se Gjykata e Apelit e kishte hedhur poshtë atë.

Hasani ka thënë se të gjitha ato aktakuza që ngrihen pas afatit prej 24 muaj hetimesh janë arbitrare dhe në kundërshtim më ligjin. Kreu i Supremes ka thënë se nuk ka autoritet mbi kolegët ndërkombëtarë, të cilët, sipas tij, kanë lejuar ankesa edhe ndaj vendimeve të formës së prerë, çka nuk parashihet me ligj.

http://koha.net/?id=27&l=89439