Aktivizohet Shaip Kamberi

Gjilan – Gjatë këtij takimi u diskutua për problemet me të cilat përballen banorët e tri komunave shqiptare të mbetura padrejtësisht nën juridiksionin e Serbisë. U diskutua gjithashtu edhe për pasivizimin e shtetësisë së banorëve të Malësisë së Bujanocit dhe atyre të Medvegjes, ku u shikuan mundësitë e bashkëpunimit në këtë drejtim mes dy organizmave në gjetjen e një zgjidhje të këtij problemi, duke synuar kthimin e drejtësisë së mohuar tash e sa kohë nga regjimi serb.

Të hënën në Gjilan u zhvillua një takim në mes të Kushtrim Kadriut- koordinator i Lëvizjes Qytetare ”Vatra” dhe kryetarit të Partisë për Veprim Demokratik në Bujanoc, njëkohësisht edhe deputet në Parlamentin e Serbisë- z.Shaip Kamberi.

Gjatë këtij takimi u diskutua për problemet me të cilat përballen banorët e tri komunave shqiptare të mbetura padrejtësisht nën juridiksionin e Serbisë. U diskutua gjithashtu edhe për pasivizimin e shtetësisë së banorëve të Malësisë së Bujanocit dhe atyre të Medvegjes, ku u shikuan mundësitë e bashkëpunimit në këtë drejtim mes dy organizmave në gjetjen e një zgjidhje të këtij problemi, duke synuar kthimin e drejtësisë së mohuar tash e sa kohë nga regjimi serb.

Kushtrim Kadriu njoftoi deputetin Kamberi me gjendjen e rëndë të qytetarëve të dëbuar nga Kosova Lindore që jetojnë në Republikën e Kosovës, si në aspektin ekonomik, poashtu edhe në aspektin juridik- me mos pajisjen me dokumente identifikimi nga republika e Kosovës dhe me shlyerjen nga evidencat në komunat e origjinës.

U shikua edhe mundësia e kthimit të këtyre banorëve në shtëpitë e tyre. Deputeti Kamberi njoftoi për angazhimin e madh të tij që është duke e bërë në nivel republikan, për të bërë të mundur zgjidhjen e problemit dhe të pasivizimit të shtetësisë, duke e ngritur këtë çështje edhe në nivel ndërkombëtar./rajonipress/