Gjilani fillon me fazën e dytë të themelimit të Këshillave të Fshatrave

Gjilan – Komisioni Komunal për formimin e këshillave të fshatrave, vendbanimeve dhe lagjeve urbane në Gjilan, sot ka mbajtur një takimin koordinues për të vazhduar me konstituimin e këshillave të radhës.

Në takimin të cilin e ka monitoruar OSBE në Gjilan, është vendosur që në këtë fundvit të konstituohen dy këshilla të fshatrave, ai i fshatit Ponesh më 22.12.2015 dhe ai i fshatit Bresalc më 23.12.2015, në ora 17:00. Ndërkohë, në vitin e ardhshëm mbetet të konstituohen edhe këshillat tjerë.

Ndryshe, konstituimi i këshillave të fshatrave, vendbanimeve dhe lagjeve urbane në Gjilan po bëhet në bashkëpunim me organizatën joqeveritare “Agro-Eko”./rajonipress/