Matoshi: Diversiteti fetar është pasuri e jona

Kamenicë – Nënkryetari i Kamenicës Fatmir Matoshi, e ka falënderuar OSBE-në për angazhimin e drejtpërdrejt në nxitjen e dialogut ndërfetar në Kamenicë, ndërsa diversitetin fetar e ka vlerësuar si pasuri të Komunës së Kamenicës. “Jemi të kënaqur që qytetarët tanë janë njerëz besimtar dhe të grumbulluar rreth besimeve të ndryshme fetare, i falënderojë udhëheqësit fetar për kontributin dhe bashkëpunimin që kanë me institucionet lokale, dhe rolin e tyre sidomos në Këshillin Komunal për Siguri në Bashkësi” tha në fjalën hyrëse nënkryetari Matoshi.

Nën organizimin e OSBE-së u mbajt në Kamenicë një Forum diskutimi për dialogun ndër-fetar në Kosovë në të cilin morën pjesë përfaqësuesit e bashkësive fetare, nënkryetari i Kamenicës Fatmir Matoshi dhe zyrtarë të lartë të OSBE-së. Fjalët hyrëse në këtë forum i thanë Valbonë Dermaku, Këshilltare Nacionale e të Drejtave të Njeriut dhe Zoltán Imecs Ushtrues Detyre i Drejtorit të Qendrës Rajonale të OSBE-se ne Gjilan.

Nënkryetari i Kamenicës Fatmir Matoshi, e ka falënderuar OSBE-në për angazhimin e drejtpërdrejt në nxitjen e dialogut ndërfetar në Kamenicë, ndërsa diversitetin fetar e ka vlerësuar si pasuri të Komunës së Kamenicës. “Jemi të kënaqur që qytetarët tanë janë njerëz besimtar dhe të grumbulluar rreth besimeve të ndryshme fetare, i falënderojë udhëheqësit fetar për kontributin dhe bashkëpunimin që kanë me institucionet lokale, dhe rolin e tyre sidomos në Këshillin Komunal për Siguri në Bashkësi” tha në fjalën hyrëse nënkryetari Matoshi.

Në takim u diskutuan edhe u ngritën disa çështje nga përfaqësuesit e bashkësisë Islame Remzi Kastrtati, ai i kishës ortodokse Srdjan Jeremic dhe përfaqësuesi i Kishës Protestante Hilki Berisha.

Qështja e varrezave dhe shpenzimeve të varrimit, objekti i administratës së Bashkësisë Islame dhe bashkëpunimi më i mirë me komunën, me mediat lokale dhe me organizatat rinore ishin disa nga temat e ngritura.

Nënkryetari Fatmir Matoshi, i njoftoi përfaqësuesit e feve se person kontaktues mes komunës dhe bashkësive fetare do të jetë Sylejman Morina, shefi i zyrës komunale për informim, gjithashtu rreth problemeve me të cilat ballafaqohen ata, do të organizohet një takim i përbashkët në komunë në javën e parë të muajit dhjetor./rajonipress/