Policia me përkushtim kujdeset për sigurinë e të gjitha komuniteteve

Gjilan – Policia e Kosovës vazhdon me përkushtim të kujdeset për sigurinë e të gjithëve dhe të krijoj ambient të qetë dhe të sigurtë për të gjitha Komunitetet.

Të mërkurën është organizuar një tryezë pune me temën “Përmirësimi i reagimeve institucionale ndaj incidenteve të sigurisë që prekin komunitetin romë në Komunat Gjilan dhe Kamenicë”.

Në tryezën e organizuar nga Policia e Kosovës stacioni Policor në Gjilan, konkretisht “Njësia për komunitet e PK-së” në bashkëpunim me zyrën e OSBE-së në Gjilan, ku kanë marre pjesë: këshillat lokale për siguri në bashkësi, përfaqësues të romëve nga të dy komunat, kryetari i komitetit për komunitete Kemal Shahin, kryesuesit e këshillave lokale për siguri në bashkësi nga këto dy Komuna dhe nxënës nga komuniteti romë.

Zyrtarët e Policisë së Kosovës, i kanë dëgjuar brengat e nxënësve dhe përfaqësuesve të Komunitetit Romë në Komunat Gjilan dhe Kamenicë, dhe i kanë inkurajuar ata që të kenë kontakte sa ma të shpeshta me Policinë e Kosovës dhe brengat e hallet e tyre veçanërisht në aspektin e sigurisë t`i adresojnë te policia.

Policia e Kosovës vazhdon me përkushtim të kujdeset për sigurinë e të gjithëve dhe të krijoj ambient të qetë dhe të sigurtë për të gjitha Komunitetet.

Edhe pjesëmarrësit tjerë kanë diskutuar gjerësisht për brengat dhe hallet e veta dhe të gjithë janë pajtuar se gjendja e sigurisë dhe lëvizjes për komunitetin Romë në të dy Komunat si Gjilan dhe Kamenicë është e kënaqshme, dhe bashkëpunimi me Policinë e Kosovës është i nivelit të kënaqshëm.

Policia e Kosovës i inkurajon pjesëtarët e komunitetit romë që t`i raportojnë rastet eventuale sepse ekziston gatishmëri e plotë e Policisë së Kosovës që me përkushtimin ma të madh do të merret me zgjidhjen e tyre thuhet në njoftimin e policisë së Gjilanit./rajonipress/