Diplomacia e dështimeve

Mosanëtarësimi në Organizatën e Kombeve të Bashkuara për Arsim, Shkencë dhe Kulturë nuk është dështimi i parë, ndoshta jo edhe më i madhi, por është ai më i fundit i diplomacisë së Kosovës. Edhe pse Kosova prej pak vjetësh bën politikë të jashtme, për këtë periudhë ka bërë skandale me bollëk, përfshirë ato me sjelljen e stafit diplomatik, si dhe me njohjet.

Ky shërbim është shndërruar në organizatë për punësimin dhe rehatimin e familjarëve dhe militantëve partiakë të partnerëve të koalicionit qeverisës, i prirë për t’u karakterizuar me sjellje skandaloze e joprofesionale, shkruan sot “Koha Ditore”.

Rasti i diplomatit Urtak Hamiti që u kap i dehur teksa bënte xhiro me veturë zyrtare nëpër Zagreb, i diplomatit tjetër në Slloveni që fyente palën vetëm pse i kërkonte shpjegime, si dhe rasti i zyrtares tjetër në Ambasadën e Kosovës në Zvicër, e cila mbante këmbët mbi tavolinën e punës teksa i shërbente palët- janë vetëm disa prej rasteve që dëshmojnë degradimin e shërbimit diplomatik.

UNESCO u vë kapak dështimeve

Mosanëtarësimi i Kosovës në UNESCO është cilësuar dështim i madh diplomatik. Për seriozitetin e Qeverisë gjatë fushatës për anëtarësim në UNESCO dëshmon edhe një listë e hartuar nga vetë ata, të cilët duke u tallur kanë llogaritur edhe në përkrahjen e Serbisë për t’u bërë pjesë e kësaj agjencie të rëndësishme të Kombeve të Bashkuara…

http://koha.net/?id=27&l=84287