Edhe Këshilli Drejtues konfirmon zgjedhjen e Zenun Pajazitit kryetar dege të PDK-së

Gjilan – Në takimin e sotëm të Këshillit Drejtues të Degës së PDK-së në Gjilan, ku pas një debati të gjerë rreth gjendjes në degë, zgjedhja kryetar e Zenun Pajazitit nga kryesia e degës u rikonfirmua me shumicë absolute edhe nga Këshilli Drejtues ( nga 49 anëtarë të këshillit pjesëmarrës, 44 votuan për, dy kundër dhe tri abstenime).

Nga ky takim Këshilli miratoi deklaratën e përbashkët për media thuhet në njoftimin e Zenun Pajazitit kryetar i degës së PDK-së në Gjilan./rajonipress/

Deklaratë e përbashkët e Këshillit Drejtues të Degës

Këshilli Drejtues i Degës, falënderon anëtarësinë e gjerë të PDK-së në Gjilan për qëndrimin dinjitoz të vazhdueshëm pas rezultateve zhgënjyese të Zgjedhjeve të fundit komunale, me besimin e ringritjes sonë të përbashkët.

PDK në Gjilan, tashmë po riorganizohet me qëllim të ringritjes së fuqishme, në radhë të parë për të mirën e qytetarëve të Gjilanit, për shkak se qeverisja aktuale komunale ka kthyer mbrapa të gjitha proceset, duke dështuar në zhvillimin e gjithëmbarshëm demokratik e infrastrukturor në komunën tonë, duke ngecur thellë në zhvillimin e projekteve zhvillimore; në fushën e arsimit, shëndetësisë, kulturës, sportit e jetën sociale.

PDK në Gjilan fton qytetarët që të bashkohen me ne në një nisje të re për Gjilanin, që zgjedhjet e ardhshme të dëshmojnë se qytetarët do të votojnë ata që kanë dëshmuar se dinë të punojnë e jo ata që asnjëherë nuk po dëshmojnë dije e vizion zhvillimor për Gjilanin.

PDK garanton anëtarësinë e gjërë se është unike më shumë se asnjëherë më parë, sepse kjo është kërkesë e domosdoshme e anëtarësisë sonë dhe e qytetarëve të Gjilanit dhe garantuese e vetme e zhvillimeve të gjithëmbarshme në Komunën tone.

Këshilli Drejtues i Degës së PDK-së në Gjilan i jep mbështetje të fuqishme rifunksionalizimit të Degës; i jep mbështetje dhe konfirmon fuqishëm zgjedhjen e Kryetarit të Degës; gjithashtu mbështet rivitalizimin e kryesisë së Degës. Këshilli drejtues i Degës mbështet vizionin e Kryetarit të ri të Degës në ndërtimin e një Dege Unike dhe fituese në zgjedhjet e ardhshme, në radhë të pare si interes i gjithëmbarshëm i qytetarëve të Gjilanit.