Drita ndanë pikët me Feronikelin

Gjilan – Në derbin e javës së 13 Drita dhe Feronikeli ndan pikët duke luajtur me rezultat 1-1 . Skuadra e Dritës gjatë tërë 90 minutave kishte më tepër nga loja duke e pruar shumë herë kampionin aktual dhe liderin e Superligës në vështirësi shumë herë.

Mysafirët janë ata që së pari atakuan portën e Dritës në minutën ë 4 së pari Hoti gjuan me kokë Latifi mbron topi dëbohet gjer Zhdrella i cili gjuan nga 5 metra por Latifi edhe një herë mbron.

Zhvillohej minuta e 31 Xhevdet Shabani nga goditja e lirë nga 40 metra bukur gjen Alban Shillovën i cili me kokë gjen portën e epërme të portierit mysafir Granit Kolqi duke ngritur epërsinë në 1-0

Futbollistët mysafir barazojnë në minutën e 63 , rezervisti Përparim Livoreka i cili zëvendësoi Mevlan Zekën në kontaktin e parë pasi kalon dy mbrojtës të Dritës gjuan nga 12 metra duke qëlluar portën e portierit të Dritës Artan Latifi.

Mysafirët në minutën e 75 nëpërmjet Elshanit kanë mundur të shënojnë pasi ky me një goditje të fuqishme nga 16 metra gjuan por Latifi mbron gol të sigurt.

Në minutën e 79 Alban Shillova gjuan me kokë nga 7 metra por Kolqi me mund të madh shpëton portën e tij.

Katër minuta para përfundimit të ndeshjes Erdin hashani ka mundur ta vendos fatin e këtij takimi kurë gjuajtja e tijë me kokë përfundon jashtë portës mysafire

Pas ndeshjes trajneri i Dritës Bekim Isufi deklaroi: “Ishim më të mirë, patëm më tepër nga loja, por ky është futbolli, mendoj se referi në shumë raste nuk ishte në nivel të detyrës”.

Gani Sejdiu trajneri i Feronikelit theksoi: “Drita ka qen e motivuar më tepër, jam i kënaqur me një pikë ndërsa në pjesën e dytë ishim më të mirë”.

DRITA FERONIKELI 1-1 (1-0)

Stadiumi i qytetit në Gjilan
Shikues; 1000
Gola shënues Shillova 31 (D), Livoreka 63 (F)
Kartona të verdhë; Hashani, Shabani (D) Zhdrella, Maliqi,(F).

Gjyqtar ; Tahiri, Berisha, Sekiraqa, Gashi,

Drita: Latifi, Hashani, Cakaj, Haliti,(Murati), Qerkini, Ajdari, Guraziu, ( F, Krasniqi), Ramadani, Shabani,
Krasniqi, Shillova.

Feronikeli: Kolqi, Doshlaku, Shala , Gërbeshi, Lladrovci, Peci, Zhdrella, Maliqi, Zeka (Livoreka) Elshani (Istogu), Hoti, (Thaqi). /rajonipress/