Granit Xhaka i lumtur me golin dhe fitoren

Granit Xhaka ka vazhduar formën e tij të mirë te Monchengladbachu. Mesfushori shqiptar, Granit Xhaka, është i lumtur me golin që shënoi në vikendin që lam pas, teksa ka thënë se më e rëndësishmja ishte fitorja.

Xhaka e shënoi golin e tretë për skuadrën e tij në fitoren prej 4:1 ndaj Hertha Berlinit.

“Nuk është me rëndësi se kush shënon, por fitorja e skuadrës. Kuptohet jam i lumtur për golin, megjithatë me rëndësi është që të vazhdojmë të grumbullojmë pikë”, ka thënë Xhaka.

“Schubert po bën një punë të mirë, por vendimi i mbetet bordit sa i përket të ardhmes së tij. Ne duam t’ia shpaguajmë besim në fushë, këtë po e bëjmë shumë mirë dhe duhet të vazhdojmë të grumbullojmë pikë”, ka shtuar më tej Xhaka. /Express/