Demiri: Haradinaj me plotë optimizëm pritet në Gjilan, AAK e gatshme edhe për zgjedhje

Gjilan – Ramush Haradinaj i shoqëruar edhe nga anëtari i kryesisë qendrore Xhevat Demiri ka vizituar Gjilanin dhe ka biseduar me strukturat e degës. Xhevat Demiri tha se Haradinaj është kthyer me plotë optimizëm nga Gjilani sepse ka marrë përkrahje e mbështetje për të stopuar me çdo kusht Zajednicën dhe Demarkacionin e kufirit.

Ramush Haradinaj përkundër aktiviteteve në qendër ai nuk lënë anash as kontaktet me terrenin. Këtë fundjavë ai ishte në Gjilan ku shoqërohej edhe nga Xhevat Demiri anëtar i kryesisë qendrore.

Xhevat Demiri tha për rajonipress se nga takimet që Haradinaj ka pasur së pari në BIK, pastaj në Forumin e Gruas të AAK-së ka folur për zhvillimet e fundit në Parlament dhe qëndrimet tashmë të njohura të liderit të AAK-së rreth dy temave esenciale për Kosovën.

Haradinaj nga strukturat e degës ka marrë përkrahje që të vazhdohet edhe më tutje kundërshtimi i Zajednicës dhe demarkacioni i kufirit me Malin e Zi.

Sipas Demirit tashmë kryesia qendrore e AAK-së ka marrë vendim rreth protestave për të cilat mendohet se janë të paevitueshme dhe të domosdoshme. “Nga këto takime e kontakte të zotit Haradinaj u tha se AAK nuk pengon proceset ndërkombëtare, por për popullin e Kosovës janë kruciale Zajednica dhe demarkacioni të cilat në asnjë variant nuk mund të kalojën në Parlamentin e Kosovës. AAK kundërshton këto marrëveshje dhe nëse nuk ka dorëheqje të Qeverisë atëherë AAK është e përgatitur për zgjedhje”.

Demiri tha se Haradinaj është treguar shumë popullor edhe në hapjen e një Hoteli ekskluziv në Gjilan ku pa ndonjë kompleks këndojë një këngë, derisa e tërë salla u ngritë në këmbë.

Ndryshe sipas Demirit strukturat e AAK-së në rajonin e Anamoravës kanë marrë një konsolidim të shpejt dhe çdo ditë ka aderime të reja e prurje të kategorive të ndryshme./rajonipress/