Boksieri Erzen Rrustemi mposht serbin Aleksander Todoroviq

Boksieri shqiptar, Erzen Rrustemi, para pak minutash ka mposhtur në ring serbin Aleksander Todoroviq në Hamburg të Gjermanisë.Rrustemi është boksier shqiptar i kategorisë së peshave të rënda. Ai është nga Zhegra e Gjilanit dhe jeton e vepron në Burgdorf të Zvicrës ndërsa deri më tani ka zhvilluar 10 ndeshje në peshë të rëndë deri 91 kg dhe ka shënuar po aq fitore prej të cilave 8 KO dhe 2 me pikë.

“Erzeni edhe njëherë gëzoi Kosovën dhe shqiptarët kudo që janë me fitore kundër serbit Aleksander Todoroviq sonte në Hamburgun e Gjermanisë. Kjo fitore i takon të gjithë atyre që e sollën lirinë në Kosovë”, shkruan në faqen në Facebook që mban emrin e boksierit Erzen Rrustemi, raporton Koha.net.

Ndërkaq, një ditë para meçit, Erzeni tha se ndjehet i përgatitur, ndërsa ka theksuar se ndjehet shumë mirë pasi që “pranë dhe rreth meje është shoku, miku dhe kolegu im i çmuar, Nuri Seferi-Albanian Tyson, dhe tërë kampi i tij që më inkurajon edhe më tepër”./telegrafi/