Policia arreston hajnat e njohur e të dyshuar për disa vjedhje të rënda në Gjilan

Gjilan – Me 26.09.2015 në intervalin kohorë 19:00 deri 23:00 në Fshatin Shillovë e banuar me komunitetin shqiptar ka ndodhur një rast “Vjedhje e Rëndë” në shtëpinë e ankueses shqiptare shtetase e Kosovës me banim në këtë fshat, ku janë vjedhur: Një Laptop HP, një Celular Iphone 5, Para kesh 1920 euro, Stoli ari, dhe një armë e zjarrit e llojit “Pomparicë” kalibrit 12 mm.

Të dyshuarit fillimisht kishin hyrë në këtë fshat me qellim për të kryer vjedhje në ndonjë shtëpi, besohet se dy të dyshimtit shqiptar shtetas të Kosovës janë futur në shtëpinë e Viktimës, duke depërtuar me forcë, ku edhe e kanë kryer këtë rast “ Vjedhje e Rëndë”.

Policia e Kosovës, njësitet e hetimeve të stacionit policor të Gjilanit përmes rrugëve operative u ka rënë në gjurmë dhe i ka lokalizuar fillimisht të dy të dyshimtit,
dhe më pastaj që të dy janë arrestuar nga ana e Policisë ka njoftuar Ismet Hashani zëdhënës i policisë.

Te të dyshuarit janë gjetur prova të qëndrueshme se ata përveç këtij rasti besohet të jenë të involvuar edhe në disa raste “Vjedhje të Rënda” në komunën e Gjilanit nëpër lagje të ndryshme.

Ata janë intervistuar në prezencën e mbrojtësve të tyre. Me urdhër te Prokurorit të shtetit të dyshuarve F. Z. (1988) dhe R. J. (1994) u caktohet masa e ndalimit në qendrën e mbajtjes për 48 orë.

Dy të dyshuarit e lartë cekur kishin vepruar në grup për përfitime materiale për vete dhe për të tjerët, me ç’rast edhe tre të dyshuar të tjerë të njohur për Policinë e Kosovës janë në kërkim e sipër, ku njeri nga ta është banor jo rezident i Komunës së Gjilanit.

Rastet e kompletuara do të dërgohen në Gjykatë./rajonipress/