Rektorin e shkarkoi SHIK-u

Prapaskenat e një vendimi të padrejtë.Klientelës së PDK-së iu cenuan interesat në UP

“Shkarkimi i rektorit Zejnullahu është drejtpërdrejt ndërhyrje e PDK-së dhe strukturave të SHIK-ut, sepse ai deshi të vendoste kritere vlerësimi për të gjithë profesorët”, tha deputeti i LDK-së, Adem Salihaj

Loja “teatrale” me rektorin e UP-së, Ramadan Zejnullahu, që u luajt brenda një afati prej vetëm disa orësh, fillimisht shkarkimi i tij nga Këshilli Drejtues i UP-së e të nesërmen në mëngjes anulimi i këtij vendimi nga ana e MASHT-it, është vlerësuar si një ndërhyrje e rëndë e politikës kriminale qeveritare, veçmas e PDK-së dhe SHIK-ut, me qëllim të përpjekjes për ta zhvendosur vëmendjen nga problemet e Kuvendit, bllokada në të cilën është futur po me fajin e kësaj klase politike në pushtet.
Deputetë të subjekteve të ndryshme politike dhe analistë konsiderojnë se tani me këtë skenar, të përpunuar me mjeshtri nga strukturat e qeveritare, po tentohet të fitohen poenë politikë nga ana e koalicionit qeverisës se kinse po e shkarkojnë rektorin e pastaj MASHT-i ndërhyn për të rikthyer çështjen, derisa dihet që politika e kriminalizuar i ka futur duart thellë në UP. “Shkarkimi i rektorit Zejnullahu është drejtpërdrejt ndërhyrje e PDK-së dhe strukturave të SHIK-ut, sepse ai deshi të vendoste kritere vlerësimi për të gjithë profesorët”, tha deputeti i LDK-së, Adem Salihaj./kosova sot/