Gjermani ther shqiptarin në gjoks

Një shqiptar 31-vjeçar ra pre e një sulmi me motive raciste në Gjermani.Ngjarja ndodhi në rajonin e Mynsterit.

Shqiptari po udhëtonte në një autobus, ku ndodhej edhe autori i krimit, një gjerman 52-vjeçar.

Ky i fundit nisi ta fyente shqiptarin, duke i thënë ‘derr i huaj’, ose ‘kanake’, një term fyes në vendet gjermanishtfolëse për njerëzit e jugut.

Kur shqiptari i kërkoi të ndalonte, 52-vjeçari nxori pa paralajmërim një thikë të madhe dhe ia nguli në gjoks.

Shqiptari u dërgua me plagë të rënda në spitalin e Mynsterit.

Autori i ngjarjes u ndalua dhe akuzohet për plagosje dhe fyerje.

Shqiptari është jashtë rrezikut për jetën./telegrafi/