A i ka mbetur “hatri” Shaqirit në trajnerin Roberto Mancini?

Xherdan Shaqiri ka folur edhe një herë për aventurën e tij të shkurtër te Interi.

Kosovari që luan për Reprezentacionin e Zvicrës, flet për kohën te Interi, mundësit që skuadra Zikaltër të fitojë ndonjë trofe, dhe raportet e tij me Mancini.

“Kam kaluar gjashtë muaj të lumtur tek Interi, me përjashtim të kohëve të fundit kur nuk isha më i lumtur dhe që ishin vendimtare për t’u bindur që të largohem. Sinqerisht, mendoj se Interi këtë vit ka mundësi të fitojë kampionatin ose Kupën e Italisë. E kanë filluar mjaftë mirë, duhet të vazhdojnë kështu deri në fund të sezonit dhe të jenë të kujdesshëm sepse nuk është e lehtë”, ka thënë Xherdan Shaqiri, përcjellë Indeksonline.
“Rikthimi im në Milano?”

“Prej momentit që në futboll kurrë nuk dihet se çfarë mund të ndodh, nuk e përjashtoj parimisht”
Mancini? “Për mua është një trajner special, me të cilin kam pasur një raport normal të punës. Përsërisë, dua që “Zikaltërit” të jenë të lumtur, ashtu si edhe tifozët dhe të fitojnë ndonjë titull deri në fund të sezonit”, ka përfunduar Shaqiri./Indeksonline/