Sinani viziton Universitetin “Kadri Zeka”

Gjilan – Në Universitetin e Gjilanit ”Kadri Zeka”, ka qëndruar për një vizitë, kryetari i Komunës së Kamenicës, Begzad Sinani me bashkëpunëtor. Ai është pritur nga rektori, Bajram Kosumi, i cili e ka njoftuar kryetarin Sinani rreth zhvillimit dhe funksionimet të Universitetit.

Rektori Kosumi ka thënë se Universiteti i Gjilanit ”Kadri Zeka” do të krijojë kuadro të përgatitur për tregun e punës respektivisht kuadro për arsim, ekonomi, administrate si dhe fushat e tjera përmes te cilave Kosova por edhe rajoni do të rrisë aftësitë konkurruese në nivelin arsimor dhe aspektet e tjera.

Kurse kryetari i Komunës së Kamenicës , Begzad Sinani, e ka uruar rektorin Bajram Kosumi, për marrjen e detyrës dhe përgjegjësive të reja.

Ai e ka siguruar rektorin se Universiteti i Gjilanit “Kadri Zeka” do të ketë mbështetjen e Komunës së Kamenicës./rajonipress/